ಅನ್ನಮಯ್ಯ ಕೀರ್ತನ ದೇವ ದೇವಂ ಭಜೇ - Deva devaṃ bhaje
ಅನ್ನಮಯ್ಯ ಕೀರ್ತನ ದೇವ ದೇವಂ ಭಜೇ ರಾಗ:ಂ: ಧನ್ನಾ ದೇವ ದೇವಂ ಭಜೇ ದಿವ್ಯಪ್ರಭಾವಂ | ರಾವಣಾಸುರವೈರಿ ರಣಪುಂಗವಂ ‖ ರಾಜವರಶೇಖರಂ ರವಿಕುಲಸುಧಾಕರಂ ಆಜಾನುಬಾಹು ನೀಲಾಭ್ರಕಾಯಂ | ರಾಜಾರಿ ಕೋದಂಡ ರಾಜ ದೀಕ್ಷಾಗುರುಂ ರಾಜೀವಲೋಚನಂ ರಾಮಚಂದ್ರಂ ‖ ನೀಲಜೀಮೂತ ಸನ್ನಿಭಶರೀರಂ ಘನವಿ- ಶಾಲವಕ್ಷಂ ವಿಮಲ ಜಲಜನಾಭಂ | ತಾಲಾಹಿನಗಹರಂ ಧರ್ಮಸಂಸ್ಥಾಪನಂ ಭೂಲಲನಾಧಿಪಂ ಭೋಗಿಶಯನಂ ‖ ಪಂಕಜಾಸನವಿನುತ ಪರಮನಾರಾಯಣಂ ಶಂಕರಾರ್ಜಿತ ಜನಕ ಚಾಪದಳನಂ | ಲಂಕಾ ವಿಶೋಷಣಂ ಲಾಲಿತವಿಭೀಷಣಂ ವೆಂಕಟೇಶಂ ಸಾಧು ವಿಬುಧ ವಿನುತಂ ‖ Deva devaṃ bhaje divyaprabhāvam | Rāvaṇāsuravairi raṇapuṅgavam || Rājavaraśekharaṃ ravikulasudhākaraṃ ājānubāhu nīlābhrakāyam | Rājāri kodaṇḍa rāja dīkṣāguruṃ Rājīvalocanaṃ rāmacandram || Nīlajīmūta sannibhaśarīraṃ ghanavi- śālavakṣaṃ vimala jalajanābham | Tālāhinagaharaṃ dharmasaṃsthāpanaṃ Bhūlalanādhipaṃ bhogiśayanam || Paṅkajāsanavinuta paramanārāyaṇaṃ śaṅkarārjita janaka cāpadaḷanam | Laṅkā viśoṣaṇaṃ lālitavibhīṣaṇaṃ Veṅkaṭeśaṃ sādhu vibudha vinutam ||